Sulutumana

Album

Questo brano fa parte degli album:

Viöla

Buca de vin ros, buca de cantina
drida de giazz a sculdá su la stua
quand gh’era ul can, ga schiasciavu la cua
l’è mort in brasc a un omm, una matina

Negher e giald, cum’è un af de quadrei
ciar quasi mort in da na niula de fum
da chi a un pezzet vedaró piu nisön
eran quei prim e saran amó quei

Viöla da vent viöla che diu la manda
viöla da umbria sota ul ciar de luna
viöla da nef sura la mia sfurtuna
viöla da rit de sta viöla pelanda

Su tocá al tecc la tua mam la richia
cunt i occ avert a insugnass ul so omm
la che ul dulur la risiada mé n’ pomm
ti che da le mai ti sei vignú via

Legn da scires, legn da pianta furesta
parlum de ti, parlum di to radis
parlum di foi di sterpai e di bis
parlum de ti, legn da pianta furesta

Viöla da vent viöla che diu la manda
viöla da umbria sota ul ciar de luna
viöla da nef sura la mia sfurtuna
viöla da rit de sta viöla pelanda

Legn ca ta pizzat, föc ca la cunsula
Vöri dumá brusá inema de ti
che amó de nocc a me par de sentí
ul can bulá sula nostra viöla

Viöla da vent viöla che diu la manda
viöla da umbria sota ul ciar de luna
viöla da nef sura la mia sfurtuna
viöla da rit de sta viöla pelanda